Vrou,
vesteek jou flenterhart
en glimlag vir jou geliefdes -
die los legkaartstukkies van
jou gebrokenheid
kan ander voltooi
weer af die vuurpyle
wat die wêreld vir jou gooi
Kyk verby die maskers
wat ander se rouheid bedek -
genees dit met `n moederlike aanraking
en vertroostende woord
op die regte tyd
en regte plek
Wandel in geloof,
nederig
pantser met liefde!
verdedig met jou hart -
vergeet altyddeur
van jou eie smart
Glimlag, Vrou!
Wees sterk en vol moed...
